Kalaallit Nunaanni eqqartuussiviit
Kalaallit Nunaanni Eqqartuussiviit 1. januar 2010 aallarnerfigalugu Kalaallit Nunaata Eqqartuussisuuneqarfia-tut atuutilerpoq. Kalaallit Nunaanni Eqqartuussivik kredsritteqarfiillu sisamat tassaallutik Qaasuitsup Kredsretia, Qeqqata Kredsretia, Sermersuup Kredsretia aammalu Kujalliup Kredsretia. Matumani arfineq-pingasunik atorfilinnik inuttallit Eqqartuussiveqarfilli 80-it missaannik sulisoqarluni.
Tamatumunngalu atatillugu 1. januar 2010-miit eqqartuussummik naammassisitsiniaanermi suliassat Kredsrettinut isumagisassanngortinneqarput, kisitsisitigullu nassuiaasiornermi pineqartut nutaamik suliap suuneranik taaguuserlugit nalunaarneqartalerlutik.
Eqqartuussivinni eqqartuussisut eqqartuussisulerisutut inatsisilerituutulluunniit ilinniarsimasuupput ilinniarsimasuullutik.
Tamatumunngalu atatillugu 1. januar 2010-miit eqqartuussummik naammassisitsiniaanermi suliassat Kredsrettinut isumagisassanngortinneqarput, kisitsisitigullu nassuiaasiornermi pineqartut nutaamik suliap suuneranik taaguuserlugit nalunaarneqartalissallutik. Kalaallit Nunaanni Eqqartuussiviit Danmarkip Domstolea ataanni inissisimapput.
Kalaallit Nunaanni eqqartuussiviit
Suliassat tamarmik eqqartuussivinni aallartinneqartarput.
Eqqartuussivinni eqqartuussisut eqqartuussisoqarfiit ilinniartitaanerannik ilinniarsimasuupput imaluunniit inatsisilerituutut ilinniarsimasuullutik.
Suliassaq inatsisilerinikkut ajornakusoorpat, ilaatigut peqataasup aappaanit kajumissaarneqarnikkut eqqartuussisup suliani Kalaallit Nunaanni Eqqartuussivimmut innersuussinnaavaa, tassani eqqartuussisut tamarmik inatsisilerituujummata. Suliaq tassani eqqartuussivimmi siullertut suliarinneqaarfiusutut suliarineqassaaq, tamatumalu kingorna nunap eqqartuussisuuneqarfianut suliareqqitassanngortinneqarsinnaalluni.
Eqqartuussiviup Eqqartuussutai aalajangiineriluunniit tamarmik nunap eqqartuussisuuneqarfianut ingerlateqqitassanngortinneqarsinnaapput.
Kredsretimi nalinginnaasumik inuit akornanni saqitsaannerit kredsdommerimit aalajangiiffigineqartarput, pinerlunnermulli suliaappat, tamanna kredsdommerimit eqqartuusseqataasartunillu marlunnit aalajangiiffigineqartarpoq. Kalaallit Nunaanni Eqqartuussivik Danmarkip Eqqartuussiveqarfiata ataani inissisimavoq.
Kalaallit Nunaanni Eqqartuussivik
Kalaallit Nunaanni Eqqartuussiviup pingaarnertut suliassarai inuit eqqartuussivikkut suliassanngortiaat aamma suliassat siullermiikkat pisariusorujussuit eqqartuussisutut ilinniarsimasumit suliarineqartariaqartut.
Kalaallit Nunaanni Eqqartuussivimmit eqqartuussivinni sulisut inatsisilerinermut tunngasunik siunnersortarpaat.
Suliffeqarfiit akiligassanik artukkerlutik matusariaqalersut aamma akiligassaminnik isumakkiigaasut suliarisarpaat. Eqqartuussivimmit aamma pigisat nalunaarsornerat, assersuutigalugu inigisat nammineerluni pigineqartut, illuutit il. il. aamma suliarneqartarput, pigisat allat umiarsuit nalunaarsorsimasut ilanngunnagit.
Kalaallit Nunaani Eqqartuusivinnit inuit eqqartuussivikkut suliassanngortitaat aamma suliassat pinerluuteqarsimanermut tunngasut Eqqartuusivimmut suliassanngortissinnaavaat, suliassat pisariuallaarpata imaluunniit taamaaliornissaq pissusissamisoorpat.
Eqqartuussivimmi suliassat suliarineqarnerisa aamma eqqartuussivinnik ilitsersuisarnerup saniatigut Kalaallit Nunaanni Eqqartuussiviup eqqartuussisoqarfinni ilinniartitsineq aamma akisussaaffigaa taamalu ulluinnarni aqutsisoqarnermut immikkoortortaqarfimmigut eqqartuusisoqarfiit tamaasa sullitaralugit.
Kalaallit Nunaata Eqqartuussisuuneqarfia
Kalaallit Nunaata Eqqartuussisuuneqarfiata kredsretip imaluunniit Kalaallit Nunaanni Eqqartuussiviup naammassillugit aalajangiiffigisai suliarisarpai taamatullu eqqartuussisarnermik inatsit malillugu Eqqartuussisuuneqarfimmut nangeqqitsitsivittut suliaqartuulluni, taakkulu saniatigut ataatassarsiuinermi suliassat siullermeerutaasumik suliarisarlugit. Taamatuttaaq Eqqartuussisuuneqarfiup pinerlunnermut suliat nangeqqinneqartussatut naliliffigisassat oqaaseqarfigisarpai.
Kredsretip imaluunniit Eqqartuussiviup suliat eqqartuussinikkut aalajangiiffigisaat Eqqartuussisuuneqarfimmut nangitseqqinneqarsinnaapput. Aalajangiiffigisallu allat Eqqartuussisuuneqarfimmut suliassatut saqqummiunneqarsinnaallutittaaq. Aalajangiiffingisat allat pineqartut aalajangiinernik taaneqartarput Aalajangiinernik Eqqartuussisuuneqarfimmut suliassatut saqqummiussineq pisarpoq Eqqartuussisuuneqarfimmut aalajangiinermik suliareqqitassanngortitsinikkut.
Kalaallit Nunaata Eqqartuussisuuneqarfia Nuummi eqqartuussisarfeqarpoq kisiannili eqqartuussivimmi suliassat aamma suliarineqartarput eqqartuussiviit eqqartuussivigisartagaanni, tamanna pisariaqaraangat.
Eqqartuussutit Kalaallit Nunaata Eqqartuussisuuneqarfianit suliarineqartut, oqaatigineqartussaapput kingusinnerpaamik qaammatit pingasut qaangiunnerini, tassa suliassat aalajangiiffigisassanngortinneqarneriniit.
Suliaq nunap eqqartuussisuuneqarfiani aalajangiiffigineqaraangat taamaallaat Eqqartuussiviit qullersaannut suliareqqitassanngortinneqarsinnaapput suliaq immikkut illuinnartuuppat. Taamaaliortoqassappat ingerlatitseqqiinissamik aalajangiisartut akuersissutaat pisariaqarpoq.
Kalaallit Nunaata eqqartuussisoqarfianik annertunerusumik paasisaqarusukkuit nittartagaq una takuuk: Qallunaatut www.domstol.gl – kalaallisut www.eqqartuusivik.gl